Хөлтэй хөөртэй өдөр өнгөрч

Хүслийн цэнхэр шөнө айсуй

Бодлын хүлгээр одонд аялах

Болор мөнгөн шөнө айсуй

          Тавтай нойрсоорой

                   анд нөхөд өө!

          Тавтай нойрсоорой

                   ах дүүс ээ!

          Тавтай нойрсоорой,

                   алтан дэлхий!

          Тавтай нойрсоорой,

                   Алсын од оо!

Найртай цэлмэг өдөр өнгөрч

Найргийн цэнхэр шөнө айсуй

Зүүдний хүлгээр одонд зорчих

Зөн билгийн шөнө айсуй

          Дахилт

Үйлс бүтээлийн өдөр өнгөрч

Үлгэрийн цэнхэр шөнө айсуй

Эрдмийн хүлгээр одонд айлчлах

Энх мөнхийн шөнө айсуй

          Дахилт

аяыг Г.Пүрэвдорж